01/10/2007.....
多雲
最新動態
雷丁作客老樸輸夠7球，患上「升班第二季出賽併發症」，要根治，非鏟走中堅杜比利不可；英超4強同日出賽合共入得3球，歐聯前夕例牌動作，車仔連富咸都贏唔到，格蘭真係教唔掂，那今晚熱刺嘅祖爾呢？
我個人倒喜歡下注阿仙奴宿敵嘅熱刺，贏錢至上，那有感情可言，何況班波又真係踢得幾好睇；今屆除咗作客富咸慘被迫和3:3，累我買讓球盤輸半格外，其餘佢哋有份踢嘅比賽，我都贏到錢。講到對班波熟，我當然唔夠華度兄啦，不過個人認為佢哋中場掃蕩工作做得極差係主要弱點，馬白蘭基同艾朗連儂識攻唔識守，索高拿同泰尼奧只屬一般，最錯可能係祖爾錯押侯度史東，呢位英格蘭小國腳，瓣瓣有啲，睇落幾全面，但實際無甚睇頭，為熱刺效力踏入第3季，只有1個聯賽入球，我一向認為，現代足球，入唔到波嘅中場，叻極有限！
祖爾同傳媒講摩連奴教熱刺唔會醒過佢，不過我諗，呢支億萬大軍𠵱家更需要一個更有魅力嘅領隊！
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。