廖碧兒主演的劇集《舞動全城》播出後，有fans發現她與拉丁舞教師拍攝一幕跳舞戲時慘遭摸胸，紛紛在網上留言替她不值。昨日碧兒出席該劇宣傳活動時，對胸襲事件處之泰然說：「跳舞難免有身體接觸，我諗佢冇心摸我個胸。」
廖碧兒、馬浚偉、陳法拉與徐子珊昨日在沙田麗豪酒店的健身室出席《舞動全城》宣傳活動，廖碧兒被問到在《舞》劇遭胸襲事件，她說拍攝當日並不為意，後來劇集播出後，有fans在網上留言為她抱不平，自己再重看這一幕跳舞場面時，始發現被對方的右手觸摸到右胸。
「必會接觸對方身體」
不過碧兒相信對方不是存心輕薄，因為跳舞難免有身體接觸，她表示：「同我跳舞呢位外國人，其實係專業拉丁舞導師，我同佢跳舞時，必然會互相接觸到對方身體，我諗佢冇心摸我個胸，但呢件事引嚟咁多fans為我不值，我真係好感動。」
碧兒將於本周四與馬浚偉在台慶亮燈儀式表演跳舞，記者問馬浚偉是否知道拍檔遭胸襲？他說：「我有睇到呢一集，屋企人睇到時都有問過我，話點解俾外國人摸到廖碧兒個胸，其實我都相信係意外，對方唔係有心。」問他與碧兒在劇中跳舞時，有否身體接觸？他說：「我同佢主要跳華爾滋，基本上冇乜近距離身體接觸，可以避免咗尷尬情況。」
此外，徐子珊昨日跟導師學習瑜伽時，導師教她的動作，她基本上可全部完成，在場人士都大開眼界，想不到其身體如此柔軟，能夠做不少高難度動作，子珊解釋說：「我啲筋骨一向好軟，所以對應付高難度動作一啲問題都冇。」
思琦撐張傑無心之失
此外，在《舞動奇迹》勇奪亞軍的楊思琦被指給內地拍檔張傑摸胸，她昨日在電話說：「大家畀心機跳好隻舞，擺好個甫士，冇諗呢啲嘢，一直合作都好開心，佢好有禮貌，咁樣講唔係咁好，對佢唔公平，好唔尊重佢，佢係內地新一批紅歌手，咁講佢班歌迷都會唔開心，大家都係初學，相信佢都係無心之失。」
採訪：楊潔雯
攝影：陳俊強
專家話
饒珮君：係Holding問題
饒珮君（右）近年開設拉丁舞學校，曾參加不少國際級拉丁舞比賽，被譽香港拉丁舞后，對於廖碧兒在《舞動全城》中被外籍導師摸胸，饒珮君說：「我冇睇過條片，不過我覺得如果當時係有問題，現場又有咁多人，覺得唔妥係咪應該出聲？個導師係ballroomdance同拉丁舞十項全能，我都同佢跳過，佢好高，成6呎幾，所以可能係holding問題，以佢一個咁專業嘅老師，我相信唔會眾目睽睽咁做。」
