無綫節目《一擲千金》推出藝人版，首集邀請了第一輯主持許冠文任嘉賓，昨日特別在將軍澳電視城錄影廠開記者招待會，一班千金小姐見到許冠文都開心不已，不停揮手迎接這位貴賓，許冠文跟一班千金小姐許下諾言，如果贏到300萬，會跟所有千金小姐平分。
年年送錶𠱁老婆
許冠文說：「頭先我同佢哋講，我贏300萬會分錢，不過，我老婆又同我講，如果我贏超過10萬蚊，我就要買隻過10萬蚊嘅錶畀佢做生日禮物，其實我同老婆初初拍拖嗰時，我冇錢，佢就攞隻錶去當，同我去食飯，所以之後每年我都會送隻錶畀佢。」許冠文賽前信心十足，他說：「之前我係主持，所以我好熟，知道晒點樣玩，所以今次攞唔到300萬我會好冇面，俾人笑，所以我一定要攞到300萬。」
採訪、攝影：楊潔雯