新一輪新股潮展開，但唔係隻隻新股都有散戶支持，好似大陸羽絨股波司登（3998）招股上市，就唔係咁多網友睇好，dusty.com.hk話：「喺溫室效應下，全球暖化，羽絨已經係夕陽行業，仲抽波司登？唔係啩？」
sudanred都係咁諗：「買佢唔通真係博氣候反常咩？」豬meme亦話：「呢隻股真係無乜興趣，一人買得幾多件羽絨呀？嘥氣啦！」
johnnyc講：「六、七年前，香港周街都有人着NorthFace羽絨褸，家陣連冬天都冇埋，一年都着唔到10日。」3988就話：「所以波司登嘅存貨咪升咗1倍，真係停產都賣唔晒。」
bobochan2講笑：「波司登招股書封面仲係一件大褸，睇見都熱。」vua123則話：「所以佢咪係一隻非常之『熱』嘅新股。」
不過chchoy1975就撐波司登：「就快到冬天，佢揀呢個時候上市都算合適嘅，抽一手即日沽都有得諗㗎！」
http://www18.discuss.com.hk/viewthread.php?tid=5406708&extra=page%3D3&page=1