瑞超的「榜首魔咒」，一直令各隊坐立不安，過往10周多，坐上首位的球隊從未贏過波，惟在聯賽末段，真命天子始終會出現，故此周一就試圖破咒取哥登堡單W！
阿呢斯奧
「唔係嘛？你諗住買哥登堡呀？」朋友乙日前質疑阿呢斯奧的決定，我於是反唇相譏：「雖然隊隊瑞超榜首隊都坐唔穩，但季尾點都會有隊較具說服力的球隊後上封王！」
哥登堡以逸待勞
從第22輪聯賽榜看哥登堡，其實已錄得10戰不敗，而且與艾夫斯堡、AIK蘇納等需要應付歐洲戰線的爭標分子相比，球員可獲更多時間調節體能，此乃一大優勢；再者，球隊今季甚少受到傷兵潮困擾，前鋒禾拿斯達、後上中場華尼保狀態不俗，此役主場面對周中出戰歐洲賽的哈馬比，一於力敲主W，配以4:1、4:2波膽（哥登堡贏波波膽甚少「翻冧」）。
卡爾馬辛軍博「大」
同時，近況甚勇的卡爾馬，剛奪得盃賽錦標，已穩奪下季歐洲賽參賽資格，惟因前列形勢緊湊，料續會向聯賽進發；碰巧客軍馬模陣容欠佳，守將占美廸臣、中場史高治及前鋒祖安祖利亞同因傷缺陣，而兩隊又屬主攻型球隊，押入球「大」好路。
另外，挪超護級之戰，榜尾的辛廸夫佐特已連敗5場，主場與尾3、相距4分的史達相遇，可謂「盡地一煲」，而後者老將前鋒艾斯特正值腳風甚順，近6仗轟入6球，此役毫無保留，「大」戰可期！
貼士
主客和/大細過關/波膽
星期一1哥登堡勝（1.85）
星期一2卡爾馬大（1.85）x
星期一3辛廸夫佐特大（1.5）2x1
星期一1哥登堡勝4:1（34）、4:2（60）