新城電台「地震」，朱明銳再次入主新城取替話事人顏聯武，DJ快必（譚得志）、梁東和顏聯武的助手即時被炒，快必和梁東昨日接受本報訪問時，揶揄朱明銳「佢似一隻受傷害嘅動物，返嚟展開復仇行動」，快必又指懷疑當年一句「ICAC要查都查你先啦！」得罪了朱明銳，才招致炒魷的下場。
被新城解僱的DJ快必（譚得志）和梁東，昨日在將軍澳接受本報訪問，兩人透露顏聯武雖然仍在新城，但已沒有決定推介歌、上榜歌的話事權，而朱明銳能再次入主新城，傳聞是他跳過上級直接找和黃高層施展奇技，才得以復活。
問快必是否覺得自己得罪了朱明銳，他說：「我同佢其實關係OK，我哋一齊由商台過檔新城。可能6、7年前我講咗一句笑話佢嬲到𠵱家啦，當時我買樓，佢話『因住ICAC查你呀』，我答話『查都查你先啦』，可能嬲到𠵱家。顏聯武上場之後，搵過我搞創作嘅工作，可能咁佢覺得我係顏派啦，顏都同我講唔好意思，話唔應該提攜我。」
「搞到白色恐怖」
快必續說：「其實我好體諒佢（朱明銳），佢工作上變動得犀利，好驚，人係脆弱嘅，所以要排除異己，佢似一隻受傷害嘅動物，返嚟展開復仇行動。話我言論過激，係驚控制唔到手下所以殺一儆百保障自己。佢上星期以君臨天下嘅姿態嚟到新城，即刻炒咗三個人，搞到白色恐怖咁。我冇過激行為，反而同事仲激過我，話計劃同營業部十個同事一齊辭職抗議，我勸佢哋唔好，都唔想公司衰，聽聞公司會有第二輪殺人事件，到時同事要聲援，我一定義不容辭。」
獲20萬賠償
快必又指朱明銳一句「點解我返嚟，唱片公司都唔嚟打招呼」，第二日他的辦公室即時擺滿果籃、紅酒，還有人送來蘭花。至於經濟問題，快必說自己在新城六年，攞了約20萬賠償，可以頂幾個月，反而梁東只做了兩年，人工又少些，不過梁東表示現時也有工作在傾談中。
此外，梁東上周五被炒當日在網誌留言，「一朝天子一朝臣，用人唯親，五千年來中國管理文化造就了如此下場。」
採訪、攝影：駱華齡
人物誌：商台報交通揚名
昨日接受本報訪問炮轟新城的前DJ快必（原名譚得志），曾任新城電台DJ兼創作總監，94年與拍檔慢必（原名陳志全）加入商台，於《馬路之友》環節中以搞笑方式報道交通情況而為人熟識，加上兩人性格極端，一個行動快速、一個慢條斯理，所以有快慢必之稱。二人說話以搞笑、啜核、抵死見稱，97年擔任亞視節目《一級奸爸爹》主持而人氣飆升，其後更參演電影並曾出書，00年轉職新城娛樂台，並主持《家天下》節目，至日前被新城解僱。
