周麗淇、關楚耀、林子萱和李逸朗昨日應邀在大埔大尾篤郊野公園出席「OSIM2007香港ITU三項鐵人亞洲盃」頒獎禮，幾位嘉賓除了頒獎之外，還參與鬥長氣比賽。
穿着貼身運動衫、大騷鋼條身形的周麗淇，不敢參加三項鐵人賽，她說：「唔好睇我咁嘅身形，我不嬲都有做運動，打波、跑步、做瑜伽，但係三項鐵人就唔好，因為我唔識游水，就係六年班嗰年，去海洋公園水上樂園浸親，之後就學極都唔識。」
關楚耀盼跑馬拉松
關楚耀一向喜歡做運動，他揚言明年會參加馬拉松，然後再參加三項鐵人，他說：「跑步、游水我都OK，我知道三項鐵人好辛苦，所以都係參加馬拉松考驗自己先。」早前有報道指關楚耀曬太陽時腰間有肥肉，他說：「好唔開心，話我六嚿變一嚿，我即刻操番，𠵱家已經唔係一嚿。」
採訪、攝影：楊潔雯