第3季結束，港股升咗5370點，市值突破咗20萬億元，可喜可賀，跟住點？花旗經濟唔掂，歐洲都有好多隱憂，啲錢走嚟亞洲，有咁大胃納吸納啲資金嘅就係我哋祖國嘅市場，港股冇理由唔掂。
有人問俊樺，「股神」畢菲特密密減持中石油（857），會唔會係睇淡中國市場。梗係唔係，之前有股東要求畢菲特將旗艦公司嘅中石油賣晒，因為中石油投資喺一啲佢哋唔鍾意嘅地方，但被畢菲特拒絕咗，冇幾耐畢菲特就開始減持中石油，好明顯係政治因素。
國壽C輪5674：國壽（2628）上周五報收44.65元，係支持港股上升嘅主力，走勢靚就連盲嘅都睇得到，短線應該會炒上50元樓上，暫時睇52元，可以買啲C輪5674，上日報收82仙，槓桿率5.4倍，有效3.8倍，對冲值0.7，正股升上52元，5674應該喺1.4元樓上，正股跌穿42元止蝕。