「有好多隻米妮同米奇喺公司呀！」網民jezzjunk口中所講的米妮和米奇，並非人見人愛的廸士尼卡通人物，而是人見人怕的坑渠老鼠。Jezzjunk表示，辦公室內經常有老鼠橫行，嚇得同事們花容失色：「頭先公司地下有隻老鼠，嚇死我哋，已經唔係第一次，隻老鼠好似係我哋同事咁，成日直行直過。」
向來Net神以為垃圾站或者橫街窄巷才會有老鼠出沒，豈料辦公室內可以有老鼠自由行。jezzjunk表示，雖然物業管理公司已經用多種方法滅鼠，但鼠患依然猖獗。
「喺冷氣槽跌咗落嚟」
「我老細真係叫佢做米奇㗎，佢哋成日出現，喺個天花板都伸個頭出嚟四圍望，嚇死人呀！」jezzjunk近日已向食環署投訴，希望情況有所改善。
除了jezzjunk外，網民大蚊子的公司都有鼠患。「我公司都有老鼠，有次我聽緊電話，有隻失魂鼠喺冷氣槽跌咗落嚟。」網民mudulldull公司的老鼠更會儲糧：「我哋公司前幾年有老鼠，佢哋識得將啲食物搬到文件櫃嘅紙箱收藏，放咗老鼠藥後就再唔見老鼠啦！」
網民littlejjhk和Net神反應一樣，對辦公室有老鼠感到難以置信：「我勁驚老鼠，我想像唔到一個office點可以有老鼠，一定要搞掂佢喎，小心鼠疫呀！」
不過，網民KSR認為蟑螂比老鼠更可怕：「老鼠好小事啫，我以前公司間office有小強呀！仲要死咗響個File入面，嚇死啲同事。」
http://www14.discuss.com.hk/viewthread.php?tid=5408284&extra=page%3D1