每年十一黃金周都是酒店行業的黃金檔期，內地旅客大舉來港，酒店房間隨時爆滿，最辛苦的莫過於負責執拾房間的酒店職員。近日一班酒店從業為執房期間應否鎖門在網上爭辯，網民anguslohk說：「我朋友執房時會lock埋門做，但我奇怪佢唔怕客人唔見咗嘢賴佢咩？」
「走個賊入嚟大件事」
不過，網民bell6886認為不關門才更容易出事：「我公司房務員執房一定要關門，因為唔會認得咁多客人，如果走咗個賊入嚟咪大件事？個客返嚟佢有匙卡開門，所以關門就唔使擔心。」網民亮瑜則有折衷方法，以手推車擋門：「我以前個阿sir教唔鎖門，但要用手推車頂住個門口，一來係俾客人知你執緊房，二來有人入房一定要移開部車，咁你就知道有冇人入過嚟。」
http://www14.discuss.com.hk/viewthread.php?tid=5388493&extra=page%3D1