【本報訊】普慶、倫敦、新港、樂宮、大華、華盛頓陸續遠去，在這個網上購票的年代，提供特大座椅、手劃戲票、超等座位的皇后戲院，昨日最後一天營業。不少巿民湧到這家有82年歷史的戲院趕買最後一場戲票，接近12時，戲院大門穩穩關上，戲院所在的陸海通大廈亦即將重建。 記者：白琳
中環皇后大道中陸海通大廈將於今年底清拆，重建成27層高的甲級商廈，包括皇后戲院在內的建築物均受到影響。
昨晚7時開始，平時冷清的戲院大堂已擠滿遊人，排着隊跟皇后的招牌合照，鎂光燈閃個不停，都在懷緬兒時在傳統戲院看電影的美好回憶，不少人欲購票入座，卻因座位爆滿，都失望而回。
戲票收藏家張先生昨日一口氣買了八張戲票，希望儲起碩果僅存的手劃戲票，他說，兒時就跟父母來皇后看戲，一直至拍拖、結婚，皇后的銀幕大又宏偉，座位好舒服，「以前睇戲有戲橋（故事大綱）派，屋企都有幾張；皇后冇咗，其他戲院嘅感覺唔同，始終係童年回憶。」
30多歲的孔先生家住西環，最愛皇后的真皮座椅，「有個轆，可以轆嚟轆去，因為咁鍾意咗呢間戲院，呢度係我睇戲首選。」他說皇后要拆無可厚非，「香港係商業社會，乜舊嘢都冇晒。」
持20年前贈券 影迷向隅
另一位特別客人羅先生，20年前獲友人所送的電影贈券，今早知道皇后結業，特意來換領入場，雖然贈券仍然有效，卻因為滿座而向隅。
最後一夜，觀眾9時15分才全部入座，欣賞李安執導的《色，戒》，不少人希望保留整張戲票，要求工作人員不要撕去票頭，但被婉拒。
影迷心聲
懷念有轆凳
孔先生：「細細個就嚟睇戲，最鍾意座椅有轆，好得意，係我嘅童年回憶。」
廣州來捧場
蕭小姐：「我喺廣州嚟睇《色，戒》足本，皇后結業好可惜，嚟到已經賣晒飛。」
銀幕夠宏偉
張先生：「最記得七十年代嚟呢度睇《六壯士》，戲院銀幕好大、好宏偉。」
