列斯聯喺前日英甲作客基寧咸一早領先，但跟住前鋒簡度同碧福特被逐，仲喺完場前補時被追平1:1，聯賽長勝終斷纜！賽後列斯聯領隊韋斯追住球證麥廸米對質，列斯聯球迷亦起哄，嚇到麥及其他助理球證用安全通道鬆人。列斯聯今季因財困被扣15分，幾經辛苦攞到正7分，千祈咪因職球員或球迷衝動而又被扣分呀！