「你怕我怕個個怕，煙加酒加屋租加，巴士加、的士加、多士芝士乜都加，加加加加加加！」歌神許冠傑的《加價熱潮》1979年出品，28年後的今天依然「啱聽」。網民啤梨仔表示：「食嘢貴咗，茶餐廳啲嘢食都貴咗，你哋有冇留意？」
「唔加價份量都細咗」
民以食為天，Net神相信今天通脹大升，一眾為食網民四出搜尋美食體會最深。網民tamamacc說：「唔止茶餐廳貴咗，好多地方就算唔加價，份量都係細咗。」網民kfcmaverick指酒樓菜式已受影響：「我去開飲茶嗰間酒樓，早茶優惠點心全部縮晒水，好似牛肉就細咗四分一。」
茶餐廳本來是基層救星，但今天亦已漲價。網民ckalbert：「好多罐頭食品都漲價一倍以上，不少茶餐廳都已經加咗價。」網民wyk879一語道破小市民活在通脹下的苦況：「要消費嘅嘢乜都要加，淨係人工冇得加！遲啲九巴又話要加價，好似平均加成5毫子一程。」
http://www14.discuss.com.hk/viewthread.php?tid=5400922&extra=page%3D1&page=1