周日睇樓
九龍皇帝真迹展

股市不斷創新高，樓市又遇上減息，今個周六日連下周一嘅黃金周檔期，發展商突然瘋狂推出貨尾盤兼設優惠促銷，展開清貨大行動。港九新畀各區，今個禮拜唔少樓盤大開門戶讓市民參觀。新世界發展（017）嘅元朗流浮山深灣畔，就趁黃金周假期，聽日喺現場搞燒烤活動。

深灣畔搞燒烤

九龍區都有唔少現樓貨尾盤，何文田有君頤峰、旺角有金國中心同百利達廣場，睇完樓，又可去大角嘴奧海城逛商場，商場搞咗個「九龍皇帝」墨寶真迹展覽，場內展出86件曾灶財嘅生前作品，市民可以懷念吓九龍皇帝作品去也。而信和（083）嘅荃灣萬景峯，今個禮拜首度開放住客會所，不妨去睇吓質素如何。