警隊傳出消息，話有「警隊梁詠琪」之稱嘅港島總區重案組總督察李雅麗（Alice）將會榮升警司；如果屬實，佢將可能係警隊歷來最年輕嘅女警司。消息仲話，MadamLee可能會調去PPRB，負責警隊嘅公關工作。
警務處仲未正式出通告，但李雅麗已經可以話係警隊嘅明日之星。佢只係用咗五年時間，就由見習督察升到總督察，破咗前「一哥」李明逵嘅六年紀錄。有警察網友就話，李雅麗37歲已經做到警司，未來有機會做警隊「一姐」。
唔少officers查案叻，但就唔係咁識同傳媒講嘢，李雅麗早喺負責何俊仁遇襲案嗰陣時，出嚟見傳媒已經好淡定，應對自如，做PPRB絕對勝任。