有幾多打工仔可以話走就走？一個要擔起頭家的打工仔與公司分手，莫過於做得唔開心及對老細極之不滿啦！
「沙塵」教頭摩連奴同球會說分手，當然沒有衣食的後顧！不過，要忍受一個唔識「波」，仲要扮代表的「油王」，真的會令人患上情緒病。唔識就問、唔問就學、唔學都起碼聽嘛！
明君定必接納群臣意見，那怕是門前小卒的說話。下情不能上達，成績那裏來？可是有很多老闆只有自己的一套，把生意變成芭比公仔，結果前人打下的江山……
歷來球會有好表現，領隊、教練當然擔當重要角色。摩教頭總算係一個能幹的大臣，對外態度強硬、對內照顧手下士兵不計較。可惜，皇帝下令削權，加入親信。大臣受到掣肘，仍以死相諫，最後重踏楊修之路，與出生入死的手下分開，返鄉下耕田！
不過，摩帥非泛泛之輩，東山再起之時實在不遠矣！你的上司是否識少少扮代表之流？若不幸遇上，緊記識時務者為俊傑！
Rosa
[email protected]