SMAP有隻Single叫《DearWoman》,呢隻歌除咗好聽之外,仲好有意思,事關係歌頌女人。計我話,𠵱家啲女人何止值得歌頌,直頭要向佢哋致敬,而喺我認識嘅女性朋友之中,好多都好本事。
睇吓德國球壇,佢哋班男人喺舊年世界盃同之前嘅世少盃都唔錯,但最後攞得個季軍咁大把。班女人就唔同,𠵱家佢哋喺世界盃坐亞望冠,若然喺禮拜日贏巴西就成功衞冕。巴西喺4強大炒美國,但德國經驗豐富戰術又好,加上我又係德國波fans,冇理由唔支持啫?
主客和:德國女足勝
心得:德女一定得
近5場往績:贏輸輸贏輸
青蛙仔
睇德國波同埋英國波大,大個之後攻埋日本波,兼且對日本藝能界幾有研究。