不少女性在結婚周年紀念日都會收到丈夫送贈禮物，不過網民幸子在收到50支玫瑰花及禮物的同時，也埋首自製一套婚宴場景迷你模型作為紀念，「呢份小禮物只係用咗唔夠一個星期時間，每日整啲啲，趁住呢個大日子，趕起呢份小禮物」。
幸子製作的迷你場景包括全套婚紗、結婚蛋糕、桌子、熊公仔、鏡、花束、甜品和紅酒等，全部非常小巧，且精緻有趣。網民CD說：「好犀利呀！件婚紗畀我實縫到手指頭穿晒。」網民魷魚思說：「點解可以一星期就整完咁勁？畀我整兩個月都唔知得唔得。」
Net神透過幸子網誌上的圖片欣賞這套迷你場景，發現幸子手工的確超卓，如小小的玫瑰花束不單止有更迷你的襯花，還有花紙和絲帶，又例如6層高的結婚蛋糕上，竟然還有新郎和新娘模樣的超迷你公仔，全部物品都盡可能仿真，難怪不少網民都想拜她為師。網民KKChan表示：「你嘅手工真係好勁！」
網友激讚「好sweet」
幸子除了相夫教子，閒餘時則做手作仔自娛，她說：「我自己都玩咗幾年迷你模型，我無開班教人，係自己整嚟玩下，同埋送畀人。」有網民除了讚嘆她的神奇手藝外，也盛讚她和丈夫有一段浪漫愛情。「你呢個婚禮場景真係好正，再加埋你收嗰份禮物，真係好浪漫呀！」網民藍寶石也說：「好靚好sweet，老公仔一定好鍾意！」
http://hk.myblog.yahoo.com/petit_relaxinggarden/
