陳志雲昨日邀請陳法拉及鄧健泓出任其節目《志雲上素》的嘉賓，鄧健泓本站於陳志雲與陳法拉的中間，後來自覺奇怪，於是打算走到陳志雲身旁，豈料陳志雲即笑說：「唔好，你企中間好啲，你企我呢邊一陣又唔知啲報道會點㗎喇。」
指袁彌明想放假
鄧健泓早前以蜜糖來形容總經理陳志雲，昨日他說：「畀我再揀嘅話我寧願唔揀，又或者會形容陳生係炭啦，因為佢雪中送炭，我今次返嚟希望可以做好啲。」問鄧健泓可覺得自己獲特別多機會，他說：「其實崔建邦同王貽興都係。」
陳志雲昨日自喻只是送炭人，他說：「我只係代表TVB送炭出去，送炭畀人取暖梗係好過係畀人燒炭自殺啦。」早前袁彌明被指在專欄中諷刺崔建邦，結果被踢出《娛樂直播》，陳志雲回應說：「我唔知喎，我冇睇過佢專欄，我冇參與過亦都唔知佢工作安排，據我所知佢係話生日想放假啫。」
採訪、攝影：藍文浩