上次中狼隊主W及「主勝」中得應，有運錄得英冠3連勝，果然如季初所料，你唔交吓學費，緊咬呢個聯賽嘅步速，唔會有進步；今次希望再接再厲，學畢傑兄早前開條「英超早飛」長勝路。全日重心，捧英冠1哥屈福特可贏黑池，開單W及「主勝」。
黑池周中耗力大
今周賽前估計形勢，個人認為與上周截然不同，即英冠會偏向正路，相反英超會冷門佔上風。英冠重心選目前排1、2位嘅屈福特及查爾頓，分別主場贏黑池及作客贏高雲地利。先講屈福特，今季降回英冠，因早前以近千萬鎊賣走艾舒利楊格套現，得以保留現有人腳，還於西布朗購入艾寧頓加強鋒力；以該隊班底，在英冠有少許超班之感，起碼陣容變化不大，季初即起作用。上仗屈軍圍攻主場的昆士柏流浪，被對手頂住失兩分，筆者亦貼中「主勝」；周中他們更因聯賽盃早已出局而無賽事，得以休息一整星期，迎擊黑池，此為首要優勢。
另外，黑池一向打主場同鬥志波，但周中苦戰近120分鐘，才氣走修安聯於聯賽盃晉級，耗力甚巨；何況上周還屬正選的兩後衞艾華特及卡連尼，已列入傷兵陣營，今次作客勢被由射手馬龍京治領軍的屈軍攻陷。
查爾頓平手係「高」啲
再選捧另一周中聯賽盃晉級球隊，高雲地利嘅對家查爾頓；高軍周中派強陣淘汰曼聯真巴閉，相反查爾頓未有用鄭智等主將下，加時後被盧頓踢出局，信莊家眼光，平手盤平水捧志切回升嘅查軍，打垮今季主場表現不穩嘅高雲地利。英超，最有心水為有主場威力嘅新特蘭打贏布力般，至於阿仙奴及利物浦作客讓得太多，買走地啦。
近5場往績：贏贏贏輸贏
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。