再度上台的新城娛樂台台長朱明銳，昨日大刀闊斧解僱DJ快必（譚得志）、DJ梁東及顏聯武助手職務，即時生效。記者致電朱明銳求證時，朱明銳承認上述三人已離職，但就未肯透露他們是否被炒。
指言論太出位
朱明銳說：「呢個係正常員工離開，我哋發覺有啲節目失去方向、有啲節目唔受歡迎，我哋覺得唔可以再咁樣落去。快必我識咗佢十幾年，佢嚟緊自己有另外發展，呢幾年佢言論太出位，同我哋節目方針唔同，大家意見合唔嚟，夾唔到，咁咪和平地分開囉，而且唔代表將來冇合作機會㗎。」
梁東節目將由啤梨葉文輝頂替，而快必的工作則由其原來拍檔鄭啓泰和李麗蕊分擔。此外，朱明銳又透露已與環球破冰，陳奕迅下周將與環球高層到新城舉行握手儀式。
採訪：林妃