韓國男星宋康昊噚日憑新片《優雅的世界》獲釜山影評人協會選為第8屆釜山電影評論家協會大獎最佳男主角，協會噚日仲公佈部份得獎名單，最佳女主角就係《老處女日記》嘅韓國女星芮智媛。至於執導韓片《古老的庭園》嘅林常樹就獲選為最佳導演。頒獎典禮下月5號喺第12屆釜山電影節舉行期間舉行。