應屆亞姐的港澳特區佳麗及海外佳麗一行15人，昨日品嚐地道港式點心，來自越南的佳麗陳紅真被指貌似名模周汶錡，但原來是指變靚前的周汶錡，一場歡喜的她即時冇癮扁嘴。至於穿上吊帶低胸裙的本地薑張家瑩就施展一招不慎露bra，輕易在一眾佳麗中突圍而出。
應屆8位亞姐港澳特區佳麗，昨日一盡地主之誼，帶7位海外佳麗到香港仔珍寶海鮮舫品嚐點心，來自印度、日本、韓國及越南等地的佳麗均對地道點心讚不絕口，而新加坡的佳麗伊娃．羅莎蘭是回教徒，故未能品嚐以豬肉製作的點心。
「我唔需要整容」
來自越南的佳麗陳紅真被指貌似名模周汶錡，她透過繙譯說：「呢幾日喺香港都有人同我講過，不過我唔認識佢。」可是其後得知大家所指是變靚前的周汶錡，陳紅真就即時扁嘴說：「整得靚都冇所謂，不過我覺得自己唔需要整容。」
港澳特區佳麗張家瑩昨日不時向身旁的新加坡佳麗介紹面前的美食，穿上吊帶低胸裙的她未知是否太投入，導致吊帶裙移位不慎露bra，令她即時在15位佳麗當中突圍而出。她事後解釋可能是走光措施不足，她說：「有黐膠紙，不過可能係黐錯位，下次會小心啲檢查清楚。食嘢期間都不時提醒身邊嘅新加坡佳麗邊啲點心有豬肉，因為佢係回教徒唔食豬肉。」
盡嚐地道小食
此外，來港五年的港澳特區佳麗張海燕，表示自己首次來珍寶海鮮舫，感覺新鮮，她說：「同一班佳麗相處得好開心，有時間都想帶佢哋品嚐香港地道小食。」
採訪：卓美娟
攝影：陳順禎
