來自台灣的棒棒堂和飛輪海等組合，令萬千香港fans暈頭轉向，瘋狂追星，論墟冚程度，本地偶像無一能及。不過台灣偶像潮大多來得快去得快，之前的F4和183club正是好例子，他們都憑主演偶像劇火速竄紅，但台灣藝人多偶像劇更多，一雞死一雞鳴，劇集播畢後，主演的偶像藝人也隨之成為過去式，轉由新一批偶像登場。
近年香港偶像乏善可陳，最近令fans狂迷的已數到初出道的Twins，對於台灣幫力壓本地偶像的現象，金牌經理人黃柏高昨日說：「𠵱家香港嘅電視只係對師奶、老人家，年輕一輩冇渠道睇偶像節目，要喺網上睇台劇同日、韓劇，好可悲㗎，台灣偶像跳得，啲人先瘋狂，香港又冇呢啲，偶像劇都冇，所以我都轉捧實力派。」
華納唱片行政總裁陳志光則說：「一來香港fans少見台灣偶像，一見就洪水決堤，等如以前香港藝人去東南亞地方，一樣俾人掹到裙甩褲甩，𠵱家香港偶像日日見，唱片公司都未培訓好偶像就推出，想搵快錢仲死。」
撰文：葉雪