1.星期六22韋根vs利物浦
波膽：0:3
信心指數：★★★
在漫長的英超球季裏頭，無幾多個周末係可以押重注在所有強隊身上，但係嚟緊的呢個周末就係其中一次黃金機會。在英超，基本上任何球隊都沒有太多的失分空間；像利物浦領隊賓尼廸斯今季試過兩次將費蘭度托利斯放在後備席，結果失咗4分。車路士𠵱家雖然一片混亂，但係始終擁有高質球員。阿仙奴開季走勢凌厲，但略嫌兵源有所不足。至於曼聯仲未踢番出上季的最佳水準。
費蘭度托利斯大勇
我譚拔士一直強調，球隊消息係各位球迷的致勝關鍵，好似上個星期利物浦唔出費蘭度托利斯，你敢唔敢捧？布力般流浪缺少隊長賴恩尼爾遜又點呢？答案梗係一律捧唔過啦！所以想勝算高的話，最緊要等到開波前一個鐘頭，球隊公佈出場陣容先好出手。
費蘭度托利斯經過周中在聯賽盃連中三元之後，今個星期作客韋根肯定有正選踢，而對手今場又有希斯基受傷，攻力大打折扣，好有信心紅軍可以好似上季在JJB球場輕取4:0一樣，再次大勝一場。
利物浦對上兩場先後賽和樸茨茅夫同伯明翰，證明賓尼廸斯的「車輪戰」隨時令佢哋在季初就宣佈爭標無望，雖然下個星期要出戰歐聯，但係今場必定強陣出擊搶3分。
當然，紅軍現階段除領隊賓尼廸斯「車輪戰」形式應付英超同歐聯惹來批評外，部份球員的狀態仍有待提升，如隊長謝拉特，負傷為英格蘭頂完兩場歐國盃外圍賽，比賽狀態明顯回落，在球場上攻守效率明顯減少，可幸周中的聯賽盃，謝拉特只後備上陣，即是說有時間調整，相信今日會有較精神的演出。
2.星期六9曼城vs紐卡素
波膽：1:1
信心指數：★
目前在聯賽排第5的紐卡素，周中在聯賽盃被阿仙奴踢出局，少咗一條通向歐洲賽的道路，更加要專心踢好聯賽，不過曼城今季在主場未逢敵手，聯賽盃又打入16強，士氣高昂。但係呢兩隊波都衰在唔穩定，所以我認為都係和局收場。
3.星期六17車路士vs富咸
波膽：3:1
信心指數：★★★
雖然好多人會認為摩連奴離開之後，車仔呢隊波都係少掂為妙，但係佢哋啲球員始終實力超班，加上富咸經已20場作客賽事未贏過，而新任領隊格蘭亦好想在主場球迷面前贏番場波搶民心，3分志在必得。呢條3串1可以話係可遇不可求。
4.星期六18打比郡vs保頓
波膽：0:2
信心指數：★★
呢場榜尾大戰我就睇好作客的保頓。打比郡兩星期前雖然贏過紐卡素，但只係過眼雲煙，筆者一直覺得打比郡根本唔夠班在英超角逐。相反保頓的球員個個都全心全意為領隊李森美賣命，只要佢哋踢番出上星期打和熱刺的水準，保頓在呢場生死戰絕對捧得過。
5.星期六19樸茨茅夫vs雷丁
波膽：3:1
信心指數：★★
樸茨茅夫能夠在主場賽和利物浦同曼聯，兼作客擊敗布力般，實力絕對毋庸置疑。烏達卡同簡奴呢對前鋒組合越夾越好，而柏巴廸奧普今季的加盟，大大提高球隊中場的截擊力。相反雷丁狀態一般，作客輸得畀保頓同新特蘭，佢哋有幾多斤両大家心知肚明。
6.星期六20新特蘭vs布力般流浪
波膽：1:2
信心指數：★
布力般係我今季幾鍾意的一隊波，雖然佢哋分別在早前的歐洲足協盃同上周英超輸波，不過在聯賽盃殺入16強打番支強心針，辛達告魯斯、麥卡菲同賓尼呢個攻擊鐵三角絕對可以攻陷新特蘭的後防，唯一擔心係隊長賴恩尼爾遜同基斯杜化森巴缺陣。
7.星期六21韋斯咸vs阿仙奴
波膽：1:1
信心指數：★
阿仙奴隊波近期腳風超順，開季到𠵱家保持不敗，最近仲勁到7連勝，風頭一時無兩。大部份人都睇好兵工廠食硬韋斯咸。不過韋斯咸在主場一向打高兩班波，加上一向在打吡戰都攞到唔錯的成績，唔好忘記韋斯咸上季主客兩循環都贏波攞足6分。
8.星期六50伯明翰vs曼聯
波膽：0:2
信心指數：★★★
曼聯在歐聯主場出擊之前，先在聯賽作客鬥伯明翰。大家要忘記曼聯在聯賽盃的慘敗，嚟緊再唔係2線球員，而係「夫添」；沙夏回歸，配合原有的朗尼同泰維斯的超強攻擊火力，睇唔到作客的紅魔鬼有失分的可能。
9.星期日26愛華頓vs米杜士堡
波膽：1:1
信心指數：★
兩支中游球隊的對碰，愛華頓近4場波只係攞到1勝1和2負的戰績，當中包括在歐洲足協盃主場打和米達列斯，愛華頓在嗰場波的表現簡直係不堪入目。雖然在聯賽盃大勝錫周三，但係嚟緊對米堡呢場波，預計都係海軍鬥水兵，各得一分。
10.星期一6熱刺vs阿士東維拉
波膽：2:1
信心指數：★
維拉總係畀我「海鮮波」的感覺，佢哋可以砌低車路士同愛華頓，但之後又竟然輸畀曼城同在聯賽盃俾英冠的李斯特城爆冷踢出局，咁飄忽不定的表現點畀到球迷信心。熱刺在聯賽盃淘汰米杜士堡振奮士氣，領隊祖爾呢周在主場出擊，幾歹都要贏波保烏紗。
註：以5★為最高
「暢譚英超」周末推介（9月份）
重心主客和3x1：
星期六17車路士勝（1.25）x星期六22利物浦勝（1.53）x星期六50曼聯勝（1.42）@1,000
讓球主客和3x1：
星期六17車路士勝[-1]（1.85）x星期六22利物浦勝[-1]（2.6）x星期六50曼聯勝[-1]（2.25）@500
波膽2x1：
星期六17車路士勝3:0（9）、3:1（11）x星期六22利物浦勝2:0（6.5）、3:0（12）@100
全日投注：1,900分
上次賺蝕：+82分
累計結餘：94,108分
規則：全季底分為100,000分，每次最多投注2,000分，以周二及周六見報貼士計。
譚拔士
5屆香港神射手，在效力南華及東方合共射入超過200球，被譽為歷來最佳外援中鋒；現於英國skybet任公關主任及足球博彩節目主持。
電郵：[email protected]