呢期有兩套戲好多人談論，一套係翻拍嘅《七擒七縱七色狼》，另一套係《色，戒》。估唔到嘅係體育版「爛片王」畢傑竟然話唔會睇《七》片，反而好期待睇《色》片；不過問真啲，哦！原來係佢覺得《色》片嘅女主角湯唯正啲啫！
講起正，今屆女子世盃真係越睇越正（我嘅意思係話好睇），我喺開倉版講女足，亦已講咗3期，女足仲助我喺度攞到3連勝㖭！星期日係女足決賽，我梗係捧德國啦！德國有我偶像佩蓮絲，而德國又一向以戰術出名，點秤都好過首次入決賽嘅巴西。
主客和：德國女足勝
心得：德國戰術贏晒
近5場往績：贏贏贏贏輸
吾中
買嘢講名牌，但賭波一定唔會做名牌奴隸嘅大聯盟女神。