厲害！真係好厲害！H&M登陸香港不足一年，話咁快就開枝散葉，更全面帶起平價服熱潮。今個秋天，就殺入九龍，直踩九龍心臟地帶商場又一城，開一間唔夠，還打孖上連開兩舖。今趟開張，仲大派限量版ClutchBag50個，搞到舖頭開張當日人頭湧湧。除了又一城，過幾日又在即將開業的ELEMENTS再開一舖，以後住九龍的朋友不用山長水遠過海去中環朝聖啦！
記者：葉雪芯
攝影：楊錦文
Model：Cherry@puremodel
開店首日現場直擊
第一次開分店，仲知道有ClutchBag送，早收到消息的Fans蜂擁而至。講到明11點先開始派發，一早去到，10點鐘上下兩舖都已經排滿人龍。雖然明知道每間舖只得25個名額，但原來部份人不是為了搶禮物，而是把握第一時間入舖搶貨的機會。個個入到去第一時間衝去揀Accessories，鬼咩，中環啲貨去得實在太快，難得第一日開，齊貨仲唔掃咩！由於又一城其中一店售賣的「Divided」系列，主打年輕一族，不少後生仔學都唔返都走來排隊。排頭位的方先生今早六點已經去到，他說：「每間舖先得廿五個，仲要係限量版，有錢都買唔到，梗係一早排啦，我志在必得！」都話H&M魅力沒法擋！
H&M亞太區經理LexKeijser於開幕當日親手派限量版ClutchBag給進場顧客。講到H&M未來大計，他說：「短期內我們會不斷開新店，又一城之後，十月就輪到ELEMENTS，十一月仲有朗豪坊，之後陸續有來。」嘩，咁搞法，香港咪好似瑞典咁，周圍都有間H&M？
越多分店補貨機會越多
在老家瑞典，周街都見到H&M，潮人話它是「時裝便利店」，總有一間喺左近。來到香港，似乎想在這塊彈丸之地貫徹此作風，分店在今個月連開三間。首先在又一城新開兩間專門店，昨日正式開門做生意；分別設於兩層的獨立舖，UG層售賣的是Divided男女裝系列，而上一層的1樓店則只售賣主線女裝系列。而另一間就位於將在10月1日開幕的ELEMENTS店，主打售賣主線女裝系列。雖然佔地始終不及中環旗艦店大，而且大部份貨品款式在旗艦店亦可搵到，不過係H&MFans都應該試過，某些貨品斷了貨，就要無了期地等返貨，分分鐘無貨返要在網上訂購等餐懵。現在唔使個個逼埋中環打蛇餅之餘，若然在中環執輸，即刻多了兩個補貨好地點。
H&MxRobertoCavalli10月底正式曝光
相信只要你係H&MFans，都知道H&M每次出手搞Crossover都必然震撼，更要留意下次大作就係萬眾期待的RobertoCavalli。呢個星期雖然連開兩舖，但係可惜大作未到。現在奉上最Update的ModelFitting相片，大家不妨偷望兩眼有邊件心水貨，暫時止止渴。最後更預告給大家，10月尾本報會飛往意大利同大師做專訪，直擊最新Crossover作及羅馬LaunchParty。大家必定要密切留意！
密切留意
又一城
1樓店
一樓售賣的是主線女裝系列，佈置以穩重格調為主，全店多以灰黑色作色調。
又一城
UG店
UG店的Divided男女裝系列，走YoungFashion路線如牛仔服、街頭服等。店的裝修和佈置顏色都行年輕人風格，就連櫥窗公仔都五顏六色。相反上層主線女裝系列的佈置格局則採用沉實穩重色調，以灰黑為主。遇上換季開新舖，當然第一時間睇睇今個秋冬季入咩貨。今季H&M跟大隊大玩復古，主線女裝系列方面，顏色配搭、線條和剪裁的連身裙都似返回陳寶珠年代，而年輕一輩的Divided就翻抄油脂PartyLook。
店員熱貨推介：
新貨花多眼亂，無從入手。唔使考慮咁多，梗係第一時間買搶手貨。據Sales透露，有部份貨款係中環經常斷貨的HotItem，快搶！
最新三間店舖地址：
a.又一城L1-25號舖
b.又一城UG-26號舖
c.ELEMENTS商場1050號舖
電話查詢：27366688