由陳錦鴻、蘇玉華和廖啓智主演的劇集《大冬瓜》，昨日在將軍澳廣播城舉行開廠拜神儀式，陳錦鴻表示接拍該劇是為了兒子，他說：「呢套劇係真人版卡通片，拍完要搞成年特技，到時個仔都歲幾，所以我將啲對白改得簡化啲，等佢睇得易明啲。」問他可擔心被指擅改劇本，他稱：「唔會，監製都知，所以先專登搵我拍。我開工後都冇乜時間照顧個仔，我驚佢唔記得我，第日套劇播時要佢不停煲。」
蘇玉華變潑婦
蘇玉華是為母親而拍該劇，她說：「我阿媽成日整冬瓜畀我食，所以我想送畀天下嘅母親。」她在戲中會扮演一名潑婦，但不擔心教壞細路，她說：「套戲粵語長片都拍過，不過大冬瓜好好笑，會好好睇。」
採訪、攝影：王崇穎