【本報訊】前任政務司司長陳方安生昨日繼續馬不停蹄落區，到灣仔利東街聆聽重建戶苦況，並了解面臨迫遷的灣仔露天攤檔小販的經營情況。經常到街市買餸的陳太，昨日又發揮家庭主婦本色，和小販就餸菜格價，過程中不少小販和家庭主婦都為陳太參選打氣，又送上開心果、鮮花。被問到前任保安局局長葉劉淑儀前日就23條立法事件的道歉是否真心，陳太說：「最重要係市民自已點睇法。」 記者：林俊謙
陳太昨午2時半到達灣仔利東街，先由關注該區重建問題的團體帶領下，了解俗稱喜帖街的利東街的清拆情況。陳太其後到訪交加街的攤檔和灣仔街市，據記者現場觀察，陳太沿途極受歡迎，當中有賣雜貨的檔主稱要送開心果給陳太吃，有女小販送花為陳太打氣，更有不少小販及主婦主動和陳太握手，大讚她「好靚」和「好有魄力」。
「我自己去買餸」
經常到街市的陳太發現有蛋檔售兩元一隻鹹蛋，即發揮家庭主婦格價本色，向檔主笑稱知道附近有檔口售一元一隻，令檔主面露尷尬笑容。但陳太十分「識做」，指檔主的鹹蛋色澤好，「遲啲我一定嚟幫襯！」陳太其後到訪灣仔街市，有菜販大讚陳太經常落區，相當了解基層生活，「佢成日都嚟街市買餸㗎，知道民間疾苦！」由於陳太吸引大批傳媒採訪，一度發生推撞，陳太更被記者的鐵梯撞到腳部。
陳太總結此次落區時稱，有機會了解小販面對的問題感到高興，並對新灣仔街市的設計發表意見：「魚檔、肉檔、菜檔呀，如果全部分開喺幾層樓，我自己去買餸呢，就真係唔鍾意。我都算幾壯健，可以行樓梯上上落落，但啲老人家當然希望能夠喺晒一層就買晒佢需要啲嘢。」
陳太：一齊努力
被問及葉太前日就23條立法事件的道歉是否真心時，陳太說：「我覺得我自己點睇唔重要，最重要係市民自己點睇法。」對於葉太自稱和民主派無分別，是支持2012雙普選，陳太就笑說：「咁就最好啦，大家都支持，如果大家有共同目標，就一齊努力啦！」她又稱，無因為葉劉前日的星級助選團而感到壓力，「我冇乜壓力嘅，大家有各自做事的方法，大家都係想服務市民，由選民自己去決定啦」。