上兩個星期，小弟還在左面以旺友姿態俾心水，亦命中樸茨茅夫「主勝」利物浦，不過不足半個月，今日竟淪為燈神，大起大落與那位「掃把頭」的政治人物甚為相似。
當然我冇錢去美國浸鹹水過冷河，又冇兩大政黨背後支撐，又唔識為咗乞求選票，公開道歉親自打倒「昨天的我」，博反彈就只好靠自己，賭波都係一樣啫!
今次精心挑選曼城主場對紐卡素，周中兩軍都打聯賽盃，曼城半力出擊，總算小勝晉級，紐卡素強陣作客，輸俾阿仙奴小兵兩蛋，士氣、體力一來一回，曼城讓得起平/半有餘。
信我嘅，去馬會買上盤投我支持一票囉，如果覺得我會繼續做燈，就投下盤啦，香港始終都係民主社會，球迷們你哋話係咪？
讓球：曼城（上）
心得：曼城主力養精蓄銳
近5場往績：走贏走輸輸
牽牛
施丹退休，頓感失落，期待阿仙奴的法比加斯他朝有此神乎奇技。