有韓國情歌皇后之稱嘅李秀英，雖然同師奶殺手裴勇俊素未謀面，但原來佢嘅優美歌聲都深深感動咗俊哥。李秀英日前上電視台節目時表示，俊哥經理人要求佢送張最新簽名CD畀俊哥，原因係俊哥自從聽過佢唱韓劇《這該死的愛情》主題曲後，就成為咗李秀英fans，搞到當事人鬼咁開心。另外俊哥齣戲《太王四神記》雖然收視高企，但有觀眾開始認為節奏緩慢，好似有啲拖泥帶水喎。