蕭芳芳甚少出席活動，前晚她穿上親自設計的透視旗袍現身半島酒店，出席Dior珠寶晚宴活動，更佩戴了Dior總值逾300萬元的最新珠寶系列。問到她的珠寶經，她說：「收藏唔係好多，因為冇乜時間，媽咪就比較多啲，而自己每次出門口都比較急，所以冇乜時間裝身。」
每日練氣功
芳芳更感激Dior捐出35萬元給護苗基金，她說：「Dior之前已經捐咗成100萬，佢哋高層生日，又叫朋友唔使送禮物，叫啲朋友捐錢去護苗，搞到我平時做到冇乜力都好感動，收劇本都冇Dior捐款咁吸引。」問到她會否拍戲，她說：「身體未必可以應付到，𠵱家一日做兩個鐘頭氣功。」問到她前晚所穿的透視旗袍，她開玩笑地表示：「係假透視，如果你哋有日見到我穿透視衫，個日我一定癲咗。」
採訪：顏英儀
攝影：葉君海