計埋今日，已經係畢傑連續第7日返工，聽日終於可以放假唞一唞，過番個家庭日。升咗做副導演嘅表哥麒，聽日會帶埋佢個滌滌仔，即係我表姨甥嚟飲茶，仲有我至愛嘅妙表姐都會到，加埋阿哥碧豪、媽子同肥仔咁人齊，呢個周日相當期待。
聽講佢哋之後會同我媽子打吓台灣牌，不過我唔打喇，一來我強項係廣東牌，二來要同肥仔去睇《色，戒》。呢期唔知點解好鬼鍾意湯唯，肥仔問我「突然呀？」我就答咗佢一個好荒唐嘅答案，喺度我唔方便講喇。
講開《色，戒》，身邊好多朋友都睇咗，好似老友狗仔澄已經率先睇咗湯唯嘅胴體。最搞笑嘅係識咗好多年嘅Janice，佢前日打畀我話好想睇「戒色」，連個戲名都掉轉咗讀，佢真係懵㗎！貼士要高雲地利「大」。
入球大細：高雲地利大
心得：感覺高雲地利「大」
近5場往績：輸贏輸贏贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。