近日頻頻曝光的葉翠翠昨又現身九龍灣，出席商場宣傳活動，更即場落廚大顯身手。「以前喺英國讀書，學校規定放假要去寄養家庭住，如果幫佢哋手煮飯同湊細路仔，就連住宿費都會平啲。」
問到她可有甚麼拿手菜式時，身為上海人的她說：「糖醋排骨呀、珍珠丸子同炒飯炒麵都OK㗎，我第時一定會係一個賢妻良母。」那打算何時結婚生子？「33到35歲啦，第時老公最緊要識𠱁我，情趣嚟㗎嘛，高度同我差唔多就OK！」
「上次錯晒」
記者即問她早前出席飯局時認識的朋友夠不夠情趣，翠翠尷尬儍笑不懂回答，之後才說：「我一陣要唱歌，𠵱家好緊張呀，你突然問我咁難嘅問題我唔識答喎。其實上次錯晒啦，嗰啲朋友冇再聯絡喇。」
此外，葉翠翠前晚為無綫錄影基本法節目時，再被問到袁彌明被飛出《娛樂直播》一事，翠翠表示不知情，揚言與自己無關的事，最好不聞不問。
採訪、攝影：藍文浩