朱玲玲前晚出席慧妍雅集籌款活動，談到與前夫霍震霆的感情關係時，她表示滿意現在的狀況，看來霍生要復合仍需努力。鄭文雅在節目中對志偉發問借種問題時，因未有子女而被揶揄，她即反擊說只是自己不想生育，二人針鋒相對搞氣氛。
歷屆的香港小姐前晚於九展錄影《慧妍愛心傾城廿五載》籌款節目，籌得逾170萬港元，退出歌壇多年的鄺美雲與李克勤、林子祥及郭秀雲等均擔任演唱嘉賓，眾港姐穿上不同年代的港姐旗袍行騷。
曾志偉隨處播種
朱玲玲前晚接受訪問時透露陪細仔霍啓人到英國入讀大學，中秋節當天才返港，她便與其父母吃飯團圓。談到她與前夫霍震霆傳復合，霍生有否同枱食飯？朱玲玲說：「佢冇嚟。」二人是否已復合？她說：「報紙講啫。」有指其子幫手拉攏，朱玲玲說：「你哋講啫，我啲仔見我哋開心就得，我𠵱家好開心。」問她如何形容她與霍震霆現時的關係？她說：「冇嘢㗎，就咁得㗎喇。」
前晚節目最惹笑是港姐們反問司儀環節，由鄭文雅、向海嵐、陳法蓉及趙翠兒向曾志偉、陳欣健、陳百祥及鄭丹瑞發問問題，其中輪到志偉回答鄭文雅提問時，現場播放當年志偉問郭羨妮借種問題的片段，志偉被問到如果要借種，他願意借給宮雪花、黃夏蕙及魯芬那一位，志偉說：「三個都借晒，我有多呀，畀埋你都得，睇你老公得唔得。」志偉此言似揶揄未有子女的鄭文雅，她遂反擊：「唔係唔得，係我唔要啫。」
樊亦敏包尾出場
志偉是夜身穿有笑容圖案的牛仔褲，他又笑說：「我唔只上面識笑，下面都識笑。」惹得全場大笑。
戚黛黛和樊亦敏已過檔亞視，前晚二人被安排在最後出場，似乎方便無綫刪剪二人片段。事後戚黛黛說：「啲嘢照做，我冇尷尬。我只係普通會員，冇考慮出鏡問題，只係出一分力。」應屆慧妍會長向海嵐說：「係咩？佢兩個喺台上都有出鏡，但播映就交畀TVB，大家都為慧妍工作，佢兩個都好開心一齊參與個騷。」
採訪：王崇穎
攝影：陳順禎
