今個月終於都叫做吐氣揚眉，死唔信淨番嗰三兩日位居前列位置，最終都仲要跌到落榜尾囉！講真我依然覺得榜首又好，燈神都好，真係冇乜所謂，正如蘋果波神同畢傑話齋，我哋嘅責任就係為波友服務，只要有錢袋理得佢叫乜！
如果大家認為我擺脫咗燈神個名就改變投注策略「龜縮」咁就大錯特錯嘞！我都仲會繼續玩冷嘢，絕對唔會怕揹起燈神個名而縮！講番今期推介，就係呢期為我贏唔少嘅韋恩，所謂無三不成幾，連續兩場贏波贏盤，今次主場出擊對科隆仲係受讓，咁筍仲等？
讓球：韋恩（下）
心得：韋恩「弗」爆咪唱反調
近5場往績：輸贏輸贏輸
賴恩
以小博大，務求打破上季命中逾千倍波膽過關紀錄！續拒雞肋回報！