衞蘭噚日接受商台訪問，佢話媽咪專程由韓國返港，呢個星期日會到廣州欣賞佢嘅演唱會，衞蘭話：「我真係好開心呀，媽咪上次因為有啲意外，睇唔到我香港嘅演唱會，所以佢今次由韓國返嚟，同我一齊去廣州睇我做騷。」佢又話出道以來，媽咪都未睇過佢同衞詩嘅演出，佢說：「所以今次我特別緊張，我都驚到時一望到佢就會喊。」