袁彌明先有暗寸葉翠翠整容前科，最近又在專欄辣㷫無綫總經理陳志雲愛將崔建邦，言行出位的她由本周開始暫時調出主持無綫節目《娛樂直播》的工作。
寫得出知後果
袁彌明和葉翠翠前晚再度同台，在屯門黃金海岸出席「中秋星．月．夜」活動，她們不約而同打扮性感到場，拋胸與觀眾賞月兼大玩遊戲。兩女在鏡頭前表現融洽，似是以行動闢謠。對於被抽起《娛》的工作，袁彌明說：「係今個星期度唔到期，周五係我生日，我有同公司提過攞假，可能公司對我好，畀我放假。」
袁彌明否認與葉翠翠不和，她說：「我哋見面冇嘢，平時喺廠都有成日見到。」袁彌明否認在專欄揶揄崔建邦，她說：「我係提及佢個名，冇揶揄佢，想向當中有誤會嘅人解釋番，我揶揄王賢誌啫，我都有同佢講，我寫得出嚟都預計到後果。」對於得罪高層傳聞，她幽默的說：「上巿公司高層日理萬機，邊有咁多時間理我哋啲小專欄，你估真係《金枝慾孽》，皇帝邊有咁多時間理後宮是非。我要博出位就真踩啲人，好似邊啲歌星唱歌難聽，要出位有1,000個方法。」處事圓滑的葉翠翠則避談袁彌明被抽起工作一事，她說：「我唔知，冇聽人講過。」
採訪：卓寶花
攝影：葉君海
