李小伶（Laura）是澳門大學博彩管理系四年級學生，今年六月獲派到美國拉斯維加斯考察。她說，兩地賭業的最大分別是「外國人去賭場係去玩，當然佢哋都想贏錢，但主要當係一種娛樂。但中國人或亞洲人去賭場嘅目的就係贏錢，主要花費喺賭，唔會花喺食同睇騷。」
如果不是澳門開放賭權，她不會選讀博彩管理，「細個時冇諗過入呢一行，因為開放賭權之前，一般人對博彩業嘅觀感唔係咁好，以前亦冇咁好景。」Laura和她的同學梁棟（Tony）都認為，澳門賭業正在轉型，隨着金光大道上的威尼斯人度假村開幕，澳門的賭業邁向拉斯維加斯化。他們躊躇滿志，希望明年畢業後加入外資旗下的博彩娛樂設施，實踐課堂上學習到的現代博彩管理知識。
經濟改善只惠部份人
不過，不是每個澳門的青年人都為賭業發展雀躍。今年五．一曾參加遊行的澳門大學新聞與公共傳播系四年級學生何裕文說：「澳門經濟確係改善咗，但只有部份人受惠。」他批評，澳門的貧富懸殊比回歸前嚴重，青年人一窩蜂投身賭業，會議展覽業暫時也是「有場（地）冇人（才）」。