閱報，又多一個了，又多一個運動員賣廣告了，這一次是羽毛球選手葉姵廷，計計埋埋，過去一年半載，應該有差不多10個或以上的運動員，被廣告商吼中，其受歡迎程度，堪稱香港開埠以來最黃金時代。
運動員被受落，本身有成績支持是一回事，關鍵當然是08奧運，令商家與觀眾們都對運動員增加了一點興趣。
黃金寶啱推銷黃金
早前與香港新女飛魚歐鎧淳傾偈，面對如此一位十多歲的小妹妹，大哥哥懶有觸覺的問了一句：「若果𠵱家有廣告商對你有興趣，你覺得自己最適合賣咩產品呢？」此話一問，結果只換得小妮子一臉狐疑，不知如何是好，不識趣的我還再補白：「會唔會係洗頭水呀、或者太陽油嗰類！」「我的頭髮『罕』，唔啱洗頭水啦；太陽油都唔得，我都唔着三點式嘅。」沒趣問題換來沒趣答案……
當今之計，香港運動員最緊要打出名堂，大名夠響我賣乜都得，所以踩單車的黃金寶，可以是學車的代言人，亦可以是賽馬的生招牌，毋須合情合理，只要有人注意。
當然，黃金寶最適合始終是推銷黃金，至於歐鎧淳，減肥瘦身keepfit之類就適合不過吧！放心，最近衛蘭那個廣告就不用穿三點式。
馬啓仁