車仔聯賽盃贏侯城，乃新帥格蘭首場勝仗，當然笑到見牙唔見眼。好醜命生成，格蘭企出嚟冇乜台型，開心起上嚟仲俾人揶揄係偷笑、冷笑，咁又撞正日前講波嗰個係口齒伶俐嘅「皮蛋黃」，俾後者講笑話「睇個款都唔方做得耐」；樣衰冇罪，我求大俠唔認同以貌取人，但睇埋李森美、柏度等失敗例子，都幾戥格蘭擔心！