港台節目《開心日報》為慶祝五周年，特別招募六位外籍家庭傭工參加「開心好姐姐大比拼」活動，昨日一班藝人歌手李克勤、張敬軒、王菀之、周麗淇、關楚耀、陳法拉和高鈞賢等，協助六位家傭比賽爭取「超級開心好姐姐」榮譽。
李克勤對於學友3年狂炒21名女傭，深表明白，他說：「我好明白佢咁做，我請過好嘅，亦請過唔好嘅，記得喺96年，個賓賓偷錢同衫，有一次發現佢着住我老婆啲衫，同埋攞住我塊網球拍影咗張相，老實講請到個好，同自己夾好難，媾女都有追求過程，有時間睇佢性格，靚唔靚，賓賓就乜都唔識，睇佢兩分鐘錄影帶就即刻同居，大家文化唔同，生活方式唔同，好難話邊個唔好，我覺得僱主都有責任，唔好亂咁放啲嘢，佢亦冇機會偷嘢。」
關楚耀親戚被色誘
關楚耀慶幸屋企請到好女傭，他說：「我有個親戚就冇咁好彩，佢之前個女傭色誘佢老公，聽講話幾好身材，好彩佢老公定力夠。」
採訪：楊潔雯 攝影：陳俊強