張學友因過去三年換了21名菲傭，被菲律賓駐港領事館列入僱請菲傭黑名單，連他正聘用的四名菲傭，約滿後都不批准續約。昨日學友表示現階段發表任何言論對各方都不公平，但言語間卻暗示，他認為事件與早前他告菲傭偷竊一事有關。苗僑偉認為學友炒菲傭的數目，算是一個紀錄。
張學友繼早前被其僱用的菲傭偷竊照片和私人信件而告上法庭後，他最近又因僱請菲傭一事而頭痛。據菲傭免費月刊《filipinoglobe》報道，因學友與太太羅美薇在三年內更換了21名菲傭，故菲律賓駐港領事館將他列入僱請菲傭黑名單，而他們正僱用的四名菲傭，領事館也將在雙方約滿後不批准續約。
「了解咗件事先」
昨日學友在電話中談到此事時說：「我要了解咗成件事先，𠵱家亂咁講嘢，對大家都唔公平，我問吓單案係咪完結咗先啦。」《filipinoglobe》記者JoseMarcelo表示菲律賓駐港總領事AlejandrinoA.Vicente否認事件與菲傭盜竊案有關，學友說：「全部嘢都係有關係嘅。」問他是否在三年內炒了21名菲傭？學友說：「等我check一check，睇埋報道先再講啦！」及後學友沒有再回覆。
另外，劉德華、陳奕迅（Eason）和苗僑偉（三哥）昨日到屯門市廣場宣傳電影《兄弟》，談到此事，三哥說：「真係一個紀錄喎，我兩個菲傭一個幫我17年，一個15年，好似屋企人咁，最重要就係當佢哋朋友，唔好當係下人。」華仔家中的印傭也已服務了很長時間，他說：「其實每個人要求都唔同，我見過有啲人換好多個，又有啲得一、兩個。其實都好難小心，如果請咗佢又要防範佢，咁請嚟做乜鬼呀？」
至於Eason則認為事情可以兩面睇，他說：「可能係佢哋要求好高，又可能係工人質素唔夠好，但身為一個市民，呢件事真係值得研究吓，原來件事可以發展到咁」。
張堅庭昨日在九龍灣出席創業講座，他謂其菲傭僱用了13年，他說：「我哋當咗個菲傭係屋企一分子，個仔係佢由細湊到大，囝囝覺得佢係姑媽，媽咪叫個菲傭拎嘢，個仔都叫媽咪拎番。我覺得大家要互相信任同尊重，唔好將屋企變成《色，戒》，唔好當佢哋係漢奸、間諜，一家先和諧。」
盼僱主善待家傭
至於率先披露學友被菲國駐港總領事館列入黑名單的《filipinoglobe》，發行人ReggieAmigo表示，學友的前菲傭Preslyn被判入獄，雖然在本地菲裔社區引起極大迴響，但他們沒有因此對學友或其家人產生任何仇恨，他刊出該篇報道，只是希望本地僱主能善待海外家傭，不要動輒因小事而遷怒家傭或解僱他們。
採訪：蔡如玉、藍文浩
攝影：仇志德
