28/09/07.....
天晴
最新動態
前兩天講過賭聯賽盃要多勞多得，結果車仔派強陣大炒侯城，曼聯超弱陣主場負高雲地利，呢類資訊，唔到賽前都唔知，一啲搶錢嘅中型班如布力般同愛華頓，個陣強到同打聯賽無分別，所以要贏錢唔係咁簡單度吓盤路就得，唔辛苦唔得世間財呀！
曼聯大熱倒灶，當然同佢派出全隊副選有關，但一班二線兵踢得咁差，費Sir都話好意外。不過大家千祈唔好以為大球會就唔志在，你計吓條數，對高雲地利都有74,000人睇，統收30鎊計，連該晚球迷買球會精品入場打氣同食熱狗飲啤酒汽水，球會呢場波執成2、3百萬鎊，咁快就出局，今季可能收少過億港元，幫球會管數嘅人，真係皺晒眉！
冇青訓唔重用新人，球會難有好前途，唔係求其俾佢哋間唔中踢吓盃仔就會成長；你睇吓香港波，只識狂搵冇人識嘅巴西兵同國援，但國援門將都可以踢成咁，送埋飛入場，又如何，香港足球仲有將來咩？
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報