舒淇之前表示對拍電影感厭倦，休息一年充電。香港時間前日她在米蘭宣佈自己的厭倦期結束，開始技癢且不抗拒像湯唯在電影《色，戒》中的大膽全裸演出，但希望接拍文藝喜劇類型的輕鬆角色。她又透露休息期間嘗試設計工作，慶幸成為creativedirector。
舒淇一連兩晚在米蘭睇騷，她在香港時間大前日欣賞完MoschinoCheap&Chic之後，前日又亮相Moschino的08春夏時裝騷，換上一條藍色satindress，配以黑色皮手套的舒淇，亮麗迷人。
唔恨睇朝偉靚股
當年曾因檔期錯失扮演李安《臥虎藏龍》中章子怡角色，李安新作《色，戒》奪得威尼斯大獎，又在港成熱門話題，舒淇表示也有留意，她說：「梗係有留意啦，咁大嘅片，又得獎又多新聞。」問她可想欣賞梁朝偉的靚股？她笑着說：「我又唔恨睇喎。」
《色，戒》中湯唯要作非常大膽的全裸演出，問舒淇今時今日，可接受這類角色？她說：「我唔會限死自己做定係唔做，只要係隊team好、劇本好，我都會考慮。」她續說：「其實，我經過之前一輪休息，都開始覺得悶同身痕，希望下年可以拍番片，一直都睇緊劇本。」
設計作品將面世
至於想拍那一類型電影時，舒淇說：「我冇所謂，都係嗰句，隊team好、劇本好，我都會諗，若果要揀，我想拍一部文藝喜劇，輕鬆啲。」提到歷來喜劇得獎的機會較低，她說：「冇所謂，我拍電影都唔係為攞獎，亦都冇特別鎖定某一個導演想合作。」她又透露在休息期間，開始做設計工作，作品更在生產中，但她拒絕透露詳情，她說：「係邊類型product同詳情，都要遲啲先講，但有個creativedirector嘅銜頭，真係好特別。」
此外，韓國女星尹恩惠也連看兩場騷，她最近在新作《咖啡王子1號店》經常作男仔頭演出，前日亮相Blumarine時裝騷時，穿上豹紋短裙，回復其嫵媚一面。
採訪：MichelleLeung
攝影：RickyChan
