噚日望住頭頂大大個嘅月光，再望住越嚟越粗嘅手指，不禁嘆一句「一年容易又中秋」，又老一年；咪拉住男友叫佢幫我影番一輯靚靚月光照，點知影極個樣都係好殘，嬲嬲哋咪叫佢去沙田新城巿廣場，睇吓《月．影．「相」．聚》的攝影展，學吓人點影到靚靚月光美人照。
新城巿廣場公關Karen話，啲相係23個頂尖專業攝影師拍嘅，即日起至10月1日喺廣場展出，大約有40幅。啲相片仲印製成08年限量版嘅記事簿，今日喺廣場消費滿800蚊，捐10蚊，就可以換領一本，收益全數撥捐奧比斯。
Karen又話，會送出15本記事簿畀消費Blog粉絲，只要寫上姓名、聯絡電話同「索取蘋果消費Blog讀者禮物」字樣，電郵去[email protected]，先到先得，查詢電話：26849175。
逢周一至周四刊出