何超儀噚日以形象大使身份，喺灣仔一酒店出席「香港國際珠寶廠商展覽會」記者會。超儀戴上共21卡嘅鑽飾出場，佢話收過唔少親友送嘅鑽飾，當中以老竇何鴻燊送嘅最名貴，超儀話：「全部收喺保險箱。」對於有份主演嘅電影《放．逐》代表香港報名角逐奧斯卡最佳外語片，超儀感到非常興奮，仲話即刻上香還神，賭王知道後亦讚佢光宗耀祖。