摩連奴真犀利！所有對佢唔住嘅都冇運行，好似老闆阿巴、新領隊格蘭都諸事不順。被指為叛徒嘅泰利又點走得甩呢？佢上場對曼聯因阻止球證向約翰米基爾出示紅牌，𠵱家好可能被罰停賽。同時，德國國腳波歷克周一走出嚟闢謠，話對摩連奴離開感到惋惜，仲好多謝對方之前嘅關照！連呢位硬漢都認錯，睇嚟摩連奴真係唔簡單！