25/09/2007.....
多雲有雨
最新動態
前晚相信全港、全亞洲甚至全球大部份嘅球迷，歡喜若狂，因為車仔炒咗摩連奴大失人心，連好友CM呢位車仔躉，都調轉槍頭買曼聯W；結果大家合力發功，車仔新領隊格蘭嘅以色列心腹賓希姆，無厘頭完場前喺禁區犯規，助曼聯開出贏2:0波膽，熱門客笑逐顏開，馬會呢個「主勝」由開飛4.1倍跌至臨場3.85倍，曼聯躉呢鋪飽咯（恭喜賴恩兄勁中上榜首）。
當然我哋唔好咁天真相信大莊家會爆煲，不過絕大部份人同時間贏錢係一個好少見嘅場面，睇波賭波係我生活同工作嘅一部份，見到身邊人個個滿載而歸，自己贏少少都好興奮；正如買咗全城熱爆嘅港交所（388）股票一樣，我冇貨都戥有貨嘅親朋戚友高興，不過凡事唔好去得咁盡，大家有睇〈一擲千金〉呢個口碑咁好嘅節目就知咩叫知足常樂。
我從來唔信「與眾為敵者勝」，更不喜斯人獨憔悴嘅感覺，有錢齊齊贏更happy，學老細話齋，大牛市叫人沽貨，叻極有限！
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。