所謂做嗰行厭嗰行，好多人覺得香港嘅銀行及金融業，因為係經濟命脈，所以係香港前景最好嘅行業，不過，亦有好多人話，本地銀行市場飽和，銀行業係夕陽行業，喺《香港討論區》，一班業界網友討論「對銀行業前景睇法」。
網友alpha504最樂觀，因為有內地呢塊肥田，所以佢話銀行業「前途無限，目標係衝出香港，進軍內地！」
投資部門仲有得玩
易打鹿比較矛盾，話呢行「前途樂觀，不過唔會有好大發展！所以冇乜期望」。科拿仔附和，話前景呢家嘢，「銀行業有，員工冇。」Ariana-Venetia好悲觀，話「銀行喺香港飽和晒。」Rilak.kuma直頭覺得係「夕陽行業，搵到第二行即刻走人！」
個個都咁灰？又唔係嘅，網友小氣小人就有唔同睇法，「睇邊個部門，如果股票仲有得玩，信用卡就好難做，IT部就長做長有。」lcmgordon同意：「如果以reward和exposure嚟睇，應該係investmentbanking最吸引同有挑戰性！」
http://www2.discuss.com.hk/viewthread.php?tid=4775663&extra=page%3D1